Atyraý munaı óńdeý zaýytyndaǵy oqıǵaǵa baılanysty qylmystyq is qozǵaldy
ATYRAÝ. KAZINFORM – Atyraý munaı óńdeý zaýyty jóndeýshisiniń denesin kesýine baılanysty qylmystyq is qozǵaldy.

Atyraý oblystyq polıtsııa departamentiniń baspasóz qyzmetinen málim etkendeı, atalǵan derekke qatysty qylmystyq is tergelip jatyr.
– Atalǵan derek boıynsha qylmystyq is tirkeldi. Qazir keshendi tekserý jumystary júrgizilip jatyr, - dep málim etti departamenttiń baspasóz qyzmetinen.
Eske sala ketelik, budan buryn denesin ótkir zatpen kesken AMÓZ qyzmetkeri aýrýhanaǵa jetkizilgenin habarlaǵan bolatynbyz.
Atyraý munaı óńdeý zaýytyndaǵy mehanıkalyq jóndeý tsehynyń 4-razrıadty jóndeýshisi jylý oqshaýlaýshylar tobyna engizilgen. Ol tseh basshysynyń sheshimimen kelispeı, jumys isteýden bas tartqan.
Tseh basshysy keıin ony burynǵy jumysyn atqarýǵa qaldyrǵan. Alaıda ol basshysynyń sheshimimen kelispeı, denesin ótkir zatpen kesken.