Atyraý munaı óńdeý zaýytynda qondyrǵy kollektorynan aqaý shyqty
ATYRAÝ. KAZINFORM — Atyraý munaı óńdeý zaýytyndaǵy býtendi olıgomerızatsııalaý qondyrǵysynyń kollektorynda suıyqtyq tógilgeni anyqtalǵan. Qazir jóndeý júrip jatyr.
Zaýyttyń qoǵammen baılanys bóliminiń málimetine súıensek, keshe, 26 aqpanda jergilikti ýaqytpen saǵat 18:30-da býtendi olıgomerızatsııalaý qondyrǵysyndaǵy benzın kollektorynda aqaý shyqqan.
«Ónimdi tez yǵystyrý úshin bul jelige 15 kgs/kv sm qysymmen sý jiberildi. Qazir jóndeý jumysy qolǵa alyndy. Barlyq tehnologııalyq qondyrǵy qalypty jumys istep tur. Munaı ónimderin óndirý jáne jóneltý josparǵa sáıkes júrgizilip jatyr», - dep habarlady qoǵammen baılanys bóliminen.
Eske sala ketelik, budan buryn «QazMunaıGaz» komıssııasy Atyraý munaıyn óńdeý zaýytyn tekserýdi bastaǵan edi.
Tekserý qorytyndysymen Atyraý munaı óńdeý zaýytynyń bas dırektory men bas ınjeneri qyzmetinen bosatýǵa sheshim qabyldandy.
Keıin zaýyttyń bas ınjeneri taǵaıyndaldy.
