Atyraý munaı óńdeý zaýytynda keıbir tehnologııalyq qondyrǵylar toqtatylǵan

ATYRAÝ. KAZINFORM – Atyraý munaı óńdeý zaýytynda keıbir tehnologııalyq qondyrǵylar toqtatylǵan.

Kásiporynnyń qoǵammen baılanys tobynyń aqparatyna qaraǵanda, keshe, 21 qyrkúıete syrtqy elektrmen jabdyqtaý júıesinde úzilis bolǵan.

«Soǵan baılanysty Atyraý munaı óńdeý zaýytynyń jekelegen tehnologııalyq qondyrǵylary toqtatyldy. Oqıǵa kezinde qalǵan tehnologııalyq qondyrǵylarynyń jumysy, sondaı-aq kásiporynnyń qubyr júıesindegi qysymnyń qajetti deńgeıi jeke jylý-elektr ortalyǵymen qamtamasyz etildi», - dep habarlady qoǵammen baılanys bólimi.

Syrtqy elektrmen jabdyqtaý júıesinde oqıǵanyń sebepteri múddeli taraptarmen birlesip sheshiledi. Kásiporyndaǵy jaǵdaı baqylaýǵa alynǵan.

«Qazir zaýyttyń syrtqy elektrmen jabdyqtalýy turaqtandyryld. Toqtaǵan tehnologııalyq qondyrǵylardy iske qosý-retteý, odan ári turaqty óndiristik rejımge shyǵarý jumystary júrgizilip jatyr. Zaýytta jınaqtalǵan qor esebinen tutynýshylarǵa áleýmettik mańyzy bar munaı ónimderin shtattyq rejımde jóneltýdi jalǵasyp jatyr», - dep málim etti qoǵammen baılanys bóliminen.

Eske sala ketelik, budan buryn Atyraý munaı óńdeý zaýytynda qazanda josparlanǵan aldyn alý jumysy júrgiziletinin habarlaǵan bolatynbyz.

Sondaı-aq, qyrkúıektiń alǵashqy aptasynda Atyraý munaı óńdeý óńdeý zaýytynda kómirsýtek gazy aýaǵa jiberilgenin jazǵan edik.