Atyraý munaı óńdeý zaýytynan qara tútin býdaqtaǵan
ATYRAÝ. KAZINFORM – Atyraý munaı óńdeý zaýytyndaǵy jeliniń birinen qara tútin býdaqtady. Bul týraly áleýmettik jelide vıdeo tarady.
«AMÓZ» JShS-niń qoǵammen baılanys bólimi málim etkendeı, oqıǵa búgin, 3 sáýirde saǵat 13:58-de bolǵan.
«Zaýyttyń kondıtsııaǵa sáıkes emes munaı ónimderin qabyldaý jelisi tútindedi. Saǵat 14:03-te tútin tolyqtaı joıyldy. Munyń zaýyttaǵy tehnologııalyq nysandardyń jumysyna áseri tıgen joq», - dep habarlady zaýyttyń qoǵammen baılanys bólimi.
Qazir ónim qabyldaý jelisindegi tútindeýdiń sebebi anyqtalyp jatyr.
Eske sala ketelik, budan buryn Abzal Dosjanovtyń Atyraý munaı óńdeý zaýytynyń bas dırektory bolǵanyn habarlaǵan edik.
