Atyraý munaı óńdeý zaýyty shtattyq rejımde ónim shyǵaryp jatyr

ATYRAÝ. KAZINFORM — Atyraý munaı óńdeý zaýyty qalypty rejımde jumys istep tur. Zaýytta táýligine 3,5 myń tonna janarmaı, 2,5 myń dızel shyǵarylady. 

«QazMunaıGaz» UK AQ basqarma tóraǵasynyń orynbasary Dmıtrıı Makeev Atyraý munaı óńdeý zaýytyndaǵy jaǵdaıdy qarastyratyn komıssııanyń jumysy jáne turaqty óndiristik protsess týraly málimet berdi.

«Zaýyt shtattyq rejımde jumys istep tur. Munaı ónimderi jóneltip jatyr. Máselen, 18 aqpandaǵy óndiristiń ortasha táýliktik kólemi — 3,5 myń tonna avtobenzın, dızel otyny — 2,5 myń tonna. Dızel otynyn gıdrotazalaý qondyrǵysynyń tehnologııalyq rejımge shyǵýyna baılanysty táýliktik óndiris kólemi qalpyna keltirildi. «QazMunaıGaz» UK tarapynan barlyq qajetti shara qabyldanyp jatyr. Komıssııa jumysy jalǵasýda», - dedi Dmıtrıı Makeev.

Eske sala ketelik, budan buryn «QazMunaıGaz» komıssııasy Atyraý munaıyn óńdeý zaýytyn tekserýdi bastaǵanyn habarlaǵan edik.

Keıin Atyraý munaı óńdeý zaýytynyń bas dırektory men bas ınjeneri qyzmetinen bosatyldy.