Atyraý munaı óńdeý zaýyty seriktesterine 2 mlrd teńge aıyppul salyndy

ASTANA. KAZINFORM — Atyraý oblysy prokýratýrasy óńir ekonomıkasyn demonopolızatsııalaý baǵytynda dáıekti jumys júrgizýde.

«Joint Technologies» JShS-nan «Suıytylǵan munaı gazyn saqtaý parki» JShS úlesiniń 50% satyp alý-satý sharty boıynsha erekshe talaptardy buzǵany úshin bıýdjetke 1,7 mlrd teńge mólsherinde turaqsyzdyq aıyby óndirildi.

«Sondaı-aq, básekelestikti qorǵaýdy buzǵany úshin park sot qaýlysymen ÁQBtK-niń 159-babynyń 3-1-bóligi boıynsha ákimshilik jaýaptylyqqa tartylyp, 324 mln teńge kóleminde aıyppul salyndy», — dep jazdy baqylaýshy organnan.

Buǵan deıin prokýrorlyq tekserý nátıjeleri boıynsha jalpy somasy 5,7 mlrd teńgege 50% úles túrindegi múlik memleketke qaıtarylǵan bolatyn.