Atyraý munaı óńdeý zaýyty Qostanaı óńirine suıytylǵan gaz jiberip jatyr

ATYRAÝ. KAZINFORM – Atyraý munaı óńdeý zaýyty sáýir aıynda 15 myń 200 tonna suıytylǵan gaz óndirdi.

«QazMunaıGaz» kompanııasynyń baspasóz qyzmetinen málim etkendeı, Qostanaı oblysyna otynnyń bul túrin Atyraý munaı óńdeý zaýyty men «CNPC-Aqtóbemunaıgaz» kompanııasy tańdalǵan. 

«Atyraý munaı óńdeý zaýytynda jospar boıynsha sáýir aıynda 13 myń 800 tonna suıytylǵan gaz óndirý kózdeldi. Zaýytta bul aıda 15 myń 200 tonna suıytylǵan gaz óndirildi. Ótken aıda kásiporyn josparǵa sáıkes Qostanaı oblysynyń tutynýshylaryna 3 myń 924 tonna suıytylǵan munaı gazyn jetkizýi tıis edi. Búgingi kúni suıytylǵan munaı gazynyń ýaqtyly tólengen kólemi zaýyttan óńirge jóneltildi», -dep habarlady kompanııanyń baspasóz qyzmeti.

Eske sala ketelik, Atyraý munaı óńdeý zaýytynan qara tútin býdaqtaǵanyn habarlaǵan bolatynbyz.