Atyraý MÓZ úlesin satýǵa qatysty kelissóz júrip jatqan joq — Ashat Hasenov
ASTANA. KAZINFORM — Atyraý munaı óńdeý zaýytynyń úlesin satý qaralyp jatqan joq. Bul týraly «QazMunaıGaz» UK» AQ basqarma tóraǵasy Ashat Hasenov málim etti.
Astana halyqaralyq forýmy aıasynda tilshiler QMG basshysynan Atyraý munaı óńdeý zaýytynyń úlesin reseılik kompanııanyń jekeshelendirýi múmkindigi týraly surady.
Óz kezeginde Ashat Hasenov qazirgi kezde Atyraý MÓZ-i QMG ıeliginde ekenin aıtty.
— Kez kelgen usynys bolsa, biz ony pysyqtap, qaraımyz. Dál qazir zaýyt shtatty rejımde jumys istep tur. Eshkimmen kelissóz júrgizip jatqan joqpyz, — dedi «QazMunaıGaz» UK» AQ basqarma tóraǵasy.
Eske salsaq, bıyl kóktemde Energetıka mınıstrligi «Tatneft» munaı kompanııasy men Atyraý munaı óńdeý zaýyty óndiristik tájirıbe almasý aıasynda ózara is-qımyl jasalǵanyn habarlady.
Osy oraıda vedomstvo atalǵan zaýyttyń úlesin satý qaralmaǵanyn rastady.
Aıta keteıik, «QazMunaıGaz» 2024 jyly 8,3 trln teńge tabys kórgen.