Atyraý MÓZ burynǵy bas dırektoryna qatysty qylmystyq isti tergeý aıaqtaldy

ASTANA. KAZINFORM - Qarjylyq monıtorıng agenttigi «Atyraý munaı óńdeý zaýyty» JShS burynǵy bas dırektory M.Dosmuratovqa qatysty qylmystyq isti aıaqtady.

Tergeý qyzmettik ókilettikterin qyzmet múddelerine qaıshy paıdalaný faktisi boıynsha júrgizildi, bul memleketke asa iri zalal túrinde aýyr zardaptarǵa ákep soqtyrdy.

Murat Dosmuratov 2022-2023 jyldar aralyǵynda jetkizýshiniń jetkizilgen jabdyqqa tıesili kepildik merzimi ýaqytynda AMÓZ qarajatynan aqshalaı qarajatty negizsiz bólip, jalpy somasy 1,9 mlrd teńgege tehnologııalyq jabdyqty jóndeý boıynsha tıisti shart jasasty dep kúdiktelýde.

M.A.Muratovqa qatysty úıqamaq túrindegi bultartpaý sharasy tańdaldy.

QR QPK-niń 201-babyna sáıkes tergeý múddesindegi ózge de aqparat jarııa etilmeıdi.

QR Konstıtýtsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.