«Atyraý» men «Tobyl» fýtboldan Qazaqstan kýbogynyń jartylaı fınalyna shyqty

ASTANA. KAZINFORM - Búgin fýtboldan Qazaqstan kýbogynyń jartylaı fınalyna berilgen eki joldamaǵa «Atyraý» men «Tobyl» komandalary ıe boldy. 

Alǵashqy kezdesýde «Atyraý» men «Qaırat» klýbtary ózara sheberlik baıqasty.

Atyraýlyq fýtbolshylar oıyn barysynda jyldam ǵol soǵyp úlgerdi. Oıynnyń 10-mınýtynda olardyń qatarynan Igor Stasevıch mergendik tanytsa, odan keıin 13-mınýtta Oljas Kerimjanov esepti ústemeleı tústi.

Al 17-mınýtta qyzyl qaǵaz alyp, alańnan qýylsa, 18-mınýtta «Atyraý» qaqpasyna belgilengen penaltıden almatylyq klýbtan Joao Paolo múlt ketti.

Oıynnyń 44-mınýtynda alań ıeleri sapynan ıAn Novak basymdyqty arttyra tússe, oǵan 70-mınýtta «Qaırat» sapynan Orfı Arad jalǵyz golmen jaýap qaıyrdy.

Osylaısha qarsylasyn 3:1 esebimen qapy qaldyrǵan «Atyraý» jartylaı fınalǵa joldama aldy.

Taǵy bir kezdesýde «Tobyl» «Astanadan» 1:0 esebien basym tústi.

Qostanaılyq klýbtan Islam Chesnokov soqqan jalǵyz gol oıyn taǵdyryn sheshti.

Dál qazir «Elimaı» men «Qyzyljar», «Ordabasy» men «Aqtóbe» kezdesýleri ótip jatyr. Ázirge esep - 0:0.

Al, 1/2 fınal 29 mamyr men 19 maýsymda ótkiziledi. Fınal 29 qyrkúıekke belgilengen.

Qazaqstan kýbogy 1992 jyldan beri turaqty túrde ótkizilip keledi.