Atyraý men Oraldyń arasyndaǵy jol ortasha jóndeýden ótedi

ASTANA. KAZINFORM – Aldaǵy ýaqytta respýblıkalyq mańyzy bar KAZ12 «Atyraý - Oral» avtomobıl jolyn ortasha jóndeýden ótkizý boıynsha aýqymdy joba bastalmaq.

Bul jol batys óńiriniń eki iri qalasy — Oral men Atyraýdy baılanystyrady. Jalpy uzyndyǵy 487 shaqyrymdy quraıdy. 

- Joba 364 shaqyrym jol tósemin qamtymaq. Negizgi atqarylatyn jumystar: ıirimdi ýchaskelerdi joıý, qaıta óńdeý ádisimen topyraqty qosý arqyly negizdi kúsheıtý, astyńǵy jáne ústińgi jabyndy tóseý, joljıekti kúsheıtý, sondaı-aq jol belgilerin ornatý jáne tańbalardy salý, - dep jazdy QazAvtoJoldan. 

Qazirgi tańda qarjy kózi qarastyrylýda. Sodan keıin jobalyq-smetalyq qujattamasy ázirlenip, mindetti saraptamadan ótedi. Joba kezeń-kezeńimen júzege asyrylatyn bolady.

Qosymsha avtojolda shuńqyrlardy jóndeý jumystary jalǵasýda. Ortasha jóndeý jumystaryn 2025 jyldan 2027 jylǵa deıin ótkizý josparlanýda.

Eske salaıyq, buǵan deıin Qyzylordanyń jol qurylysynda qandaı kemshilikter jıi kezdesetinin jazdyq.