Atyraý men Mańǵystaýdyń 1,5 mln halqyna jer astynan aýyzsý tartatyn qubyr salynady

ASTANA. KAZINFORM — Atyraý jáne Mańǵystaý oblystarynda jer astynan táýligine 170 myń tekshe metr taza aýyzsý tarartatyn qubyr tartylady. Bul týraly Sý resýrstary jáne ırrıgatsııa mınıstri Nurjan Nurjigitov Úkimet otyrysynda aıtty.

— Mınıstrlik Atyraý jáne Mańǵystaý oblystarynyń halqyn aýyzsýmen qamtamasyz etý úshin «Kókjıde», «Aıshýaq» jáne «Soltústik-Aıshýaq» jerasty sý kózderinen atalǵan oblystardyń eldi mekenderine deıin ónimdiligi táýligine 170 myń tekshe metr quraıtyn magıstraldyq sý qubyryn salý máselesin pysyqtaýda. Bul jobanyń júzege asyrylýy shamamen 1,5 mln adamdy aýyzsýmen qamtamasyz etýge múmkindik beredi, — dedi ol.

Vedomstvo basshysy memleket qarjylandyratyn ınvestıtsııalyq joba ázirlengenin de aıtty. Qazir ol jobany ekonomıkalyq qorytyndy berý úshin Ulttyq ekonomıka mınıstrliginiń mamandary qarap jatyr. Aıta keteıik, búgin Úkimet otyrysynda sý únemdeý tehnologııalaryn engizý sharalaryn pysyqtalyp jatyr.