Atyraý men Mańǵystaýda elektr energııasyna shekteý engizilgeni ras pa
ASTANA. KAZINFORM — «KEGOC» AQ Atyraý men Mańǵystaýda elektr energııasyna shekteý engizilgeni týraly aqparatty joqqa shyǵardy, dep habarlaıdy mekemeniń baspasóz qyzmeti.
«KEGOC» AQ birqatar buqaralyq aqparat quraldarynda taraǵan Júıelik operator tarapynan Atyraý jáne Mańǵystaý oblystarynyń tutynýshylaryna elektr energııasyn shekteý engizilgeni jónindegi aqparatqa túsinikteme berdi.
Kompanııanyń málimetinshe, 2026 jylǵy 23–24 qańtar kúnderi atalǵan óńirlerde ónerkásiptik tutynýshylar men turǵyndar úshin elektr energııasyn shekteý sharalary qoldanylmaǵan.
Sonymen qatar KEGOC elektr energııasyn shekteý tek Batys Qazaqstan jáne Atyraý oblystarynda tsıfrlyq maınıngpen aınalysatyn kompanııalarǵa ǵana engizilgenin naqtylady.
Budan buryn oblys ortalyǵynda elektr energııasyn únemdeý maqsatynda túngi kóshe jaryq shamdary 21:00-de jaǵylatyny málim boldy.