Atyraý men Aqtóbe oblystarynda birqatar jol ýchaskesi jabyldy
ASTANA. KAZINFORM – Aýa raıynyń qolaısyzdyǵyna baılanysty Qazaqstannyń birqatar óńirinde respýblıkalyq mańyzy bar avtojoldardyń jekelegen ýchaskelerinde qozǵalys ýaqytsha shekteldi. Bul týraly «QazAvtoJol» ulttyq kompanııasy habarlaıdy.
2026 jylǵy 16 qańtar saǵat 03:00-den bastap barlyq kólik túrleri úshin qozǵalys myna óńirlerde toqtatyldy:
Aqtóbe oblysynda
«Aqtóbe-Qandyaǵash-Dossor-Atyraý-RF shekarasy» avtojolynyń 104-337 km aralyǵy (Qandyaǵash qalasy – Atyraý oblysynyń shekarasy).
Atyraý oblysynda
«Aqtóbe-Qandyaǵash-Dossor-Atyraý-RF shekarasy» avtojolynyń 337-346 km aralyǵy (Aqtóbe oblysynyń shekarasy – Saǵyz aýyly).
Atalǵan jol ýchaskelerin qaıta ashýdyń boljamdy ýaqyty – 16 qańtar saǵat 09:00.
«QazAvtoJol» júrgizýshilerge jolǵa shyǵar aldynda jol jaǵdaıyn naqtylap alýdy jáne qaýipsizdik talaptaryn qatań saqtaýdy usynady.
Buǵan deıin Qazaqstannyń úsh óńirinde avtojoldarda qozǵalys shektelgeni habarlanǵan bolatyn.