Atyraý men Aqtóbe arasyndaǵy tikeleı áýe reısi qaıta ashylady
ATYRAÝ. KAZINFORM – 10 shildeden bastap Atyraý – Aqtóbe baǵyty boıynsha tikeleı áýe reısteri qaıta jandanady. Bul baǵytta aptasyna turaqty 2 reıs oryndalady.
Atyraý oblystyq jolaýshylar kóligi jáne avtomobıl joldary basqarmasynyń málimetinshe, atalǵan baǵyttaǵy jolaýshylar tasymalyn SCAT áýe kompanııasy iske asyrady.
Jospar boıynsha Atyraýdan Aqtóbege ushaq dúısenbi jáne juma kúni ushsa, Aqtóbeden qaıtý reısi beısenbi men jeksenbi bolady.
Jańa keste eki óńir arasyndaǵy qatynasty jeńildetip, jolaýshylarǵa saparlaryn aldyn ala josparlaýǵa múmkindik beredi.
Buǵan deıin Jazǵy maýsymda týrıstik baǵyttaǵy Talgo poıyzdaryna 20% jeńildik beriletinin jazǵan edik.
