Atyraý mańyndaǵy eki eldi meken aralyǵynda jol ústinde sábiz shashylyp qaldy
ATYRAÝ. KAZINFORM – Atyraý qalasynyń mańyndaǵy eki eldi meken aralyǵynda jol ústinde sábiz shashylyp jatyr. Alaıda, eki saǵattan soń sábizdi jınap alyp ketken.
Bul týraly áleýmettik jelide vıdeo tarady. Vıdeo avtory «Tegin sábiz Aqsaı-Aqjar arasynda...» dep jazba qaldyrǵan.
Vıdeodan jol jıeginde birneshe kólik toqtap turǵanyn kórýge bolady. Birneshe adamnyń sábizdi jınap júrgeni túsirilgen.
Jeli qoldanýshylary atalǵan vıdeoǵa baılanysty túrli pikir jazdy. Biri «Iá, Kamaz-dyń arty... ashylyp tógilgen. Kamaz toqtady. Biz jınap alaıyq, bir-bir kılodan dep qoıamyz ǵoı. Negizi toqtap, búkil mashına jınaǵanda...» dep jazǵan.
Endi bir qoldanýshy «Negizi jınap berý kerek edi ǵoı, shashyp alǵan adamǵa...» dedi. Taǵy biri «Qoıandardy alyp kelý kerek...» deıdi.
Degenmen, shamamen 2 saǵattan soń sábizdiń tolyq jınalǵan. Muny «Saǵat 21:50-de qala jaqtan ádeıilep kelip, keri aınalyp ketip jatyr adamdar. Oǵan deıin dym joq qylyp ketken ǵoı» degen pikirden ańǵarýǵa bolady.
Eske sala ketelik, buǵan deıin Pavlodar oblysynda sábiz ben kartop dalada shashylyp jatqany týraly jazǵan edik.
