Atyraý mańyndaǵy birneshe aýylǵa sý berý ýaqytsha toqtatylady

ATYRAÝ. KAZINFORM – Atyraý qalasynyń mańyndaǵy shaǵyn aýdandar men oǵan taıaý ornalasqan birneshe aýylǵa sý berý ýaqytsha toqtatylady. Turǵyndar erteń kúni boıy sýsyz otyratyn boldy. 

«Atyraý oblysy Sý Arnasy» KMK-nyń baspasóz qyzmetinen málim etkendeı, erteń, 8 qazanda magıstraldy sý qubyrynda apatty qalpyna keltirý jumysy júrgiziledi.

«Bul jumys «Atyraý-Maqat» magıstraldy sý qubyrynyń D-630 mm jelisinde atqarylady. Osyǵan baılanysty 2024 jylǵy 8 qazan kúni saǵat 10:00-den 18:00-ge deıin keıbir aýmaqtar boıynsha turǵyn úıler men nysandarǵa sý berý toqtatylady», kásiporynnyń baspasóz qyzmeti.

Kúni boıy sýsyz otyratyndardyń qatarynda Bereke (burynǵy Konteınernyı) shaǵyn aýdanyndaǵy 5 jáne 9 qabatty, sondaı-aq, jeke sektordaǵy turǵyn úıler bar. Munaıshy, Ardager, Kóktem, Juldyz-1, Juldyz-2, Juldyz-3, Kóktem shaǵyn aýdandary men Tomarly, Tomarly-2, Aqsaı, Aqsaı-2, Aqjar, Aqjar-2, Birlik, Birlik-2, Geolog, Talqaırań, Talqaırań-2, Besikti, Aspa jáne Novokırpıchnyı sekildi aýyldarǵa, Gýrevsnab mańyndaǵy turǵyn úılerge sý berilmeıdi.

Sondaı-aq, Qarabatandaǵy óndiristik bazalar, razezdder men «KPI» JShS-niń keshenine beriletin sý toqtatylady.

Eske sala ketelik, budan buryn Atyraý oblysynyń jylý berý maýsymyna daıyndyǵy 97 paıyzǵa oryndalǵanyn jazǵan bolatynbyz.