Atyraý mańynda kóligimen batpaqqa batyp qalǵan 12 adam qutqaryldy
ASTANA. KAZINFORM — Keshe keshkisin Atyraý qalasyndaǵy Besikty aýyly mańynda, demalys oryndarynyń biriniń janynda úsh jeńil avtokólik batpaqty jerge batyp, qozǵala almaı qalǵan, dep habarlaıdy TJM baspasóz qyzmeti.
Jer bederiniń kúrdeliligi men turaqty baılanys jelisiniń bolmaýyn eskere otyryp, qutqarýshylar joǵary ótimdi tehnıka men spýtnıktik baılanysty paıdalandy.
— Nátıjesinde 12 adamnyń barlyǵy, onyń ishinde 6 bala qaýipsiz túrde evakýatsııalanyp, eldi mekenge jetkizildi. Eshqaısysyna medıtsınalyq kómek qajet bolmady, — deıdi mamandar.
TJM tazartylmaǵan jáne batpaqty jol ýchaskelerinde, ásirese túngi ýaqytta, jeńil avtokólikpen júrýden bas tartýdy suraıdy.
Budan buryn Qaraǵandy oblysynda balshyq qursaýynda qalǵan 18 adam qutqarylǵanyn jazdyq.
