«Atyraý» komandasynyń eki oıynshysy Qazaqstan jastar quramasyna shaqyrtý aldy

ATYRAÝ. KAZINFORM – «Atyraý» fýtbol klýbynyń shabýylshysy men qaqpashysy Qazaqstannyń jastar quramasynda oınaýy múmkin.

Jergilikti fýtbol klýbynyń baspasóz qyzmetinen málim etkendeı, Qazaqstannyń 21 jasqa deıingi quramasyna shaqyrtý alǵannyń biri – Sanjar Ernııazov. 

Ol 2005 jyly týǵan. Buryn «Jetisý» komandasynyń quramynda bolǵan. «Atyraý» klýbynyń qaqpasyn qorǵaýǵa bıylǵy qańtarda aýysqan. 

Qazaqstannyń jastar quramasy kóz tikken taǵy bir oıynshy – ıAn Trýfanov. Ol 2004 jyly ómirge kelgen. Bıylǵy aqpanda»Atyraýdyń» shabýylyn údete túsý úshin «Qaırat» komandasynan kelgen. 

– Atalǵan qurama 1-6 maýsym aralyǵynda Astana qalasynda oqý-jattyǵý jıynyn ótkizedi. Eýropa chempıonatyna irikteý kezeńi sheńberinde 5 maýsym kúni Andorra jastarymen match ótkizý kózdelgen, -dep habarlady klýbtyń baspasóz qyzmeti. 

Eske sala ketelik, budan buryn «Atyraý» fýtbol klýby 4 legıonermen aradaǵy kelisimshartty toqtatqanyn habarlaǵan bolatynbyz.