Atyraý qalasynyń mańynda júk kóligi aýdarylyp, tsısternadan munaı tógildi

ATYRAÝ. KAZINFORM – Atyraý qalasynyń mańynda munaı tasymaldaıtyn júk kóligi aýdaryldy. Sonyń saladrynan jerge munaı tógildi.

Atyraý oblystyq Tótenshe jaǵdaılar departamentiniń ımıdjdik jumys jáne syrtqy kommýnıkatsııalar tobynan málim etkendeı, oqıǵa 17 sáýirde keshki saǵat 19:00 shamasynda bolǵan.

– Atyraý qalasynyń Kóktem shaǵyn aýdany tusynda KamAZ markaly avtokólik tas joldan shyǵyp ketip, jıekke aýdaryldy. Sonyń saldarynan kólik tsısternasynan munaı ónimi tógildi. Tótenshe jaǵdaı departamentiniń qutqaýshylary bolýy yqtımal órt pen jarylystyń aldyn alý úshin kóbik shashty, - dep habarlady departamenttiń ımıdjdik jumys jáne syrtqy kommýnıkatsııalar toby.

Atalǵan oqıǵadan eshkim zardap shekpegen. Apattyń saldaryn qylpyna keltirý túngi saǵat 22:50-de aıaqtaldy.

Oqıǵa ornynda Tótenshe jaǵdaılar departamentinen 12 qyzmetker, 3 tehnıka tartyldy.

Eske sala ketelik, buǵan deıin Atyraý oblysynda bir kúnde jol apatynan 5 adam mert bolǵanyn habarlaǵan edik.