Atyraý qalasynyń mańynda qamys pen jyńǵyl órtendi
ATYRAÝ. KAZINFORM — Atyraý qalasynda qamys pen jyńǵyl órtendi. Órt tolyq sóndirildi, zardap shekkender joq.
Atyraý qalasynda Quttyǵaı batyr kóshesinen shamamen 4 shaqyrym qashyqtyqta qamys pen jyńǵyl órti tirkeldi. Oqıǵa ornyna Atyraý oblysy Tótenshe jaǵdaılar departamentiniń kúshteri men quraldary jedel jetip, órtti sóndirýge kirisken.
Qyzyl jalyndy aýyzdyqtaýǵa TJD, «Semser Órt sóndirýshi» JShS, «Arnaýly avtobaza» JShS jáne jergilikti atqarýshy organnyń 27 qyzmetkeri men 7 tehnıkasy jumyldyryldy.
— Qazirgi ýaqytta órt tolyǵymen sóndirildi. Oqıǵa saldarynan zardap shekkender joq, — dep habarlady TJD.
Buǵan deıin Qyzylordada orman órti 40%-ǵa artqanyn jazǵan edik.
