Atyraý qalasynyń burynǵy ákimi Qaırat Orazbaev qamaýǵa alyndy
Atyraý qalasynyń burynǵy ákimi Qaırat Orazbaev qamaýǵa alyndy. Ol alaıaqtyq kúdigine ilinip otyr, dep habarlaıdy Kazinform.
Oblystyq prokýratýranyń baspasóz qyzmetinen málim etkendeı, Atyraý qalalyq ákimdiginiń laýazymdy tulǵalaryna qatysty alaıaqtyq belgilerimen sotqa deıingi tergep-tekserý júrgizilip jatyr.
«2020-2022 jyldar kezeńinde ákimdiktiń laýazymdy tulǵalary jeke turǵyn úı qurylystary úshin rekreatsııalyq aımaqtarǵa, onyń ishinde jasyl jelek aımaqtary, saıabaqtar, skverler, jaǵalaýlar jáne taǵy basqa sanatqa jatatyn jer ýchaskelerin zańsyz bergeni anyqtaldy. Osyǵan baılanysty búgin QR Qylmystyq Kodeksiniń 190-baby 4-bóliginiń 2-tarmaǵynda kózdelgen qylmystyq quqyq buzýshylyq jasady degen kúdik boıynsha tergeý sheńberinde Atyraý qalasynyń eks-ákimi Qaırat Orazbaev ustaldy», - dep málim etti prokýratýranyń baspasóz qyzmetinen.
Eks-ákim Atyraý qalalyq polıtsııa basqarmasynyń ýaqytsha ustaý ızolıatoryna qamaýǵa alyndy. QR Qylmystyq-protsestik kodeksiniń 201-babynyń talaptaryna sáıkes ózge aqparat jarııa etýge jatpaıdy.
Qaırat Orazbaevtyń mamandyǵy – munaıshy. Ol Atyraý munaı óńdeý zaýytynyń bas dırektory, Atyraý qalasynyń ákimi laýazymyn atqarǵan.
Eske sala ketelik, buǵan deıin Atyraý munaı óńdeý zaýytynyń eks-bas dırektoryna qatysty is qaıta qarala bastaǵanyn habarlaǵan edik.
