Atyraý qalasyndaǵy bazar aýmaǵynda órt shyqty

ASTANA. KAZINFORM — Atyraý qalasyndaǵy Beıbarys dańǵyly boıynda ornalasqan bazarlardyń birinde kıim satatyn býtıkter órtendi, dep habarlaıdy TJM baspasóz qyzmeti.

Oqıǵa týraly habarlama túsken soń, TJM bólimsheleri dereý oqıǵa ornyna jetti. Olar kelgen kezde konteıner túrindegi býtıkter ashyq jalynmen janyp jatqan jáne órttiń kórshi saýda oryndaryna taralý qaýpi bolǵan.

— Órt sóndirýshilerdiń jedel áreketiniń arqasynda jalyn basqa býtıkterge ótpeı, órt qysqa ýaqytta sóndirildi. Jalpy órt 500 sharshy metr aýmaqty qamtydy. Oqıǵa ornynda jedel shtab qurylyp, 4 ýchaske boıynsha jumys júrgizildi. Zardap shekkender joq. Órttiń shyǵý sebebi anyqtalyp jatyr, — delingen habarlamada.

Budan buryn Astanada úsh qabatty dámhana ǵımaraty órtengenin jazǵan edik.