Atyraýda Polıtsııa basqarmasynyń burynǵy basshysyna qatysty qylmystyq is qozǵaldy
ATYRAÝ. KAZINFORM — QR Іshki ister mınıstrligi júrgizip jatqan josparly qyzmettik tekserý barysynda Atyraý qalasy Polıtsııa basqarmasynyń bastyǵy tarapynan quqyqqa qaıshy áreketterdiń jasalǵany anyqtaldy. Atalǵan derek boıynsha qylmystyq is qozǵaldy.
Qazirgi ýaqytta sotqa deıingi tergep-tekserý amaldary júrgizilip jatyr.
Belgilengen tártipke sáıkes, ol ishki ister organdarynan teris negizder boıynsha qyzmetinen bosatylyp, ýaqytsha ustaý ızolıatoryna qamaldy.
— Tergeý múddesine baılanysty ózge aqparat jarııalaýǵa jatpaıdy. Bul sheshimder Іshki ister mınıstri júrgizip otyrǵan zańdylyqty qamtamasyz etý jáne qyzmettik tártip pen zań talaptaryn buzǵany úshin, laýazymyna qaramastan, jaýapkershiliktiń bultartpastyǵyn qamtamasyz etýge baǵyttalǵan qaǵıdatty saıasat aıasynda qabyldandy, — dem málimdedi mınıstrliktiń baspasóz qyzmeti.
Aıta keteıik, kúdikke ilingen Baqtybek Isaev basqarma bastyǵy qyzmetine 2024 jyldyń 27 mamyrynda taǵaıyndalǵan.
Buǵan deıin ІІM tekserisinen keıin Atyraýdaǵy polıtsııa departamentinde birneshe basshy qyzmetinen ketkenin jazǵan edik.
