Atyraý-Inder trassasynyń Atyraý qalasyna kiretin bóligi jabyldy

ATYRAÝ. KAZINFORM – Atyraý-Inder trassasynyń Atyraý qalasyna kiretin bóligi jabyldy.

Atyraý oblysy jedel shtabynyń aqparatyna qaraǵanda, Jaıyq ózeniniń sol jaǵalaýyndaǵy joldyń jabylýyna tasqyn sýdyń moldyǵy sebep bolyp otyr. 

«Ór sýynyń qarqyny kúsheıýine baılanysty Atyraý-Inder trassasynyń Atyraý qalasyna kiretin bóligi kóliktiń barlyq túri úshin jabyldy. Kólik qatynasy toqtatyldy»,-dep málim etti oblystyq jedel shtabtan.

Shtabtyń málimetinshe, Jaıyq ózeniniń oń jaǵalaýyndaǵy Atyraý-Oral trassasynyń 44-shi jáne 71-shaqyrymy jabyq tur. 

Eske sala ketelik, budan buryn Atyraý-Oral trassasynyń Mahambet aýdanyndaǵy 44-shaqyrymy jyryldy.

Keıin Mahambet aýdanyndaǵy 56-shaqyrymy búlingen edi.  

Sondaı-aq, Atyraý-Oral trassasynyń 71-shaqyrymynda jol ústimen sý ótip jatqanyn jazǵan edik.