Atyraý-Inder tas jolynyń oıylǵan bóligin jóndeý bastaldy
ATYRAÝ. KAZINFORM – Atyraý-Inder tas jolynyń 27-shaqyrymy tusyndaǵy asfalt oıylyp ketti. Qazir joldaǵy aqaýdy jóndeý jumysy bastaldy.
Atyraý qalasynan Inder aýdanynyń ortalyǵy – Inderbor kentine deıin qatynaıtyn jol bar. Búgin osy joldyń asfalty oıylyp, kólikter toqtap turǵany týraly vıdeo tarady.
Atyraý qalasy ákiminiń orynbasary Nurjan Ermuhanovtyń aıtýynsha, qazir atalǵan jol bóligin qalpyna keltirý jumysy júrip jatyr.
«Taldykól aýylyn gazben qamtamasyz etip turǵan qubyrdyń aınalasyna ór sýy jaıylǵan. Sonyń saldarynan topyraq pen trassa opyrylyp ketti. Zardap shekkender joq. Gaz qubyry búlinbedi. Qubyrdan gaz taraý deregi tirkelgen joq», - dep habarlady Nurjan Ermuhanov.
Jol jóndeý jumysyn Atyraý oblystyq jolaýshylar kóligi jáne avtomobıl joldary basqarmasynyń mamandary qolǵa alǵan. Qazir oǵan 15 maman men 4 arnaıy tehnıka tartylǵan.
«Atalǵan jol bóligindegi aqaýdy qalpyna keltirý búgin keshke deıin tolyq qalpyna keltiriledi», - dep málim etti Nurjan Ermuhanov.
Eske sala ketelik, budan buryn Jaıyq deńgeıi Inderde 5 santımetrge tómendep, Mahambet aýdanynda 10 metrge jetkenin jazǵan edik.
