Atyraý-Inder tas jolynda jol apatynan eki adam qaza tapty
ATYRAÝ. KAZINFORM — Atyraý-Inder tas jolynda bolǵan jol-kólik oqıǵasynan eki adam qaza taýyp, taǵy eki adam jaraqat aldy.
Atyraý oblysy polıtsııa departamentiniń málimetine sáıkes, jol apaty 13 maýsym kúni saǵat 08:50 shamasynda Atyraý-Inder avtojolynyń 19-shaqyrymynda bolǵan.
Aldyn ala málimet boıynsha, Toyota Alphard avtokóliginiń júrgizýshisi kólikti basqarý júıesin ıgere almaı, saldarynan kólik jol jıegine aýdarylyp qalǵan.
Oqıǵa saldarynan eki jolaýshy oqıǵa ornynda kóz jumdy. Taǵy eki adam túrli dene jaraqatymen medıtsınalyq kómekke júgingen.
Qazirgi ýaqytta atalǵan derek boıynsha tıisti is-qujattar jınaqtalyp jatyr.
— Polıtsııa qyzmetkerleri azamattardy alys saparǵa shyǵar aldynda kólik quraldarynyń tehnıkalyq jaramdylyǵyn tekserýge, jolda qyraǵylyq tanytýǵa, kólik basqarý kezinde uıaly telefon paıdalanbaýǵa, belgilengen jyldamdyq rejımin saqtaýǵa shaqyrady, — dep málimdedi PD baspasóz qyzmeti.
Buǵan deıin Aqtóbede jol-kólik apatynan soń aýrýhanaǵa jetkizilgen taǵy bir adam kóz jumǵanyn jazǵan edik.
