Atyraý-Inder baǵytyndaǵy joldyń tasqyn sý basqan bóligi ýaqytsha ashyldy

ATYRAÝ. KAZINFORM – Tasqyn sýdyń saldarynan búlingen Atyraý-Inder tas jolynyń 24 shaqyrymy ýaqytsha qalpyna keltirildi. 

Atyraý oblysynyń jedel shtabynan málim etkendeı, atalǵan jolmen kólik qatynasyna 1 shildede ruqsat berilgen.

«Atyraý qalasynan Inder aýdanynyń ortalyǵy – Inderbor kentine deıin qatynaıtyn jolmen ázirge tek jeńil kólik júre alady. Joldy ýaqytsha qalpyna keltirý jumysyna Atyraý oblystyq avtomobıl joldary basqarmasy tarapynan 10 adam, 36 tehnıka jumyldyryldy», - dep habarlady Atyraý oblysynyń jedel shtabynan.

Eske sala ketelik, budan buryn Atyraý oblysynda Jaıyq ózenindegi sý deńgeıi turaqtanǵanyn habarlaǵan bolatynbyz.