«Atyraý» fýtbol klýbynyń bas menedjeri Dıdar Sydyqbek qyzmetinen ketýi múmkin

ATYRAÝ. KAZINFORM — Naýryzdyń sońǵy aptasynda Dıdar Sydyqbek «Atyraý» fýtbol klýbynyń bas menedjeri qyzmetine kirisken edi. Al keshe ol bul qyzmetinen ketýdi kózdegenin málim etti.

Dıdar Sydyqbek «Qyzyljar», «Astana-1964», «Aqtóbe» jáne «Ordabasy» klýbtarynda oınaǵan. Fýtboldaǵy mansabyn aıaqtaǵan soń «Progress KZ» taldaý qyzmetiniń jetekshisi, «ITTs» AQ baqylaý bóliminiń sanat mamany, «Qazaqstan Respýblıkasy Tuńǵysh Prezıdenti — Elbasy qorynyń» jobalyq keńse úılestirýshisi laýazymdaryn atqarǵan.

Keıin SD Family Group dırektory, Qazaqstan Medıa-fýtbol federatsııasynyń prezıdenti bolǵan. Sondaı-aq Qazaqstan fýtbol federatsııasy «Alań» ınfraqurylymdyq jobasynyń keńesshisi retinde basshylyq tájirıbe jınaǵan.

— Ómirdegi eń bastysy — ózińe jáne árıne, ózgelerge adal bolý. «Atyraý» fýtbol klýbynan ketetinimdi apta boıy talqylaýǵa sheshim qabyldadym. Nelikten muny talqylaý kerek? Óıtkeni meniń klýbty damytýǵa salǵan qarjym týraly másele týyndaıdy. Ekinshiden, ishinara ótemaqy alǵym keledi. Klýbty qaıtarý úshin aýqymdy mindetti alǵan edim, — dep habarlady Dıdar Sydyqbek óziniń telegram arnasynda.

Endi ol ótinishin jazyp, bárimen jaqsy qarym-qatynasta qoshtasqysy keledi.

— Men qalany jáne fýtbol klýbyna qatysy bar adamdardyń bárin jaqsy kóremin. Óreskel eshteńe bolǵan joq. Eshkim meni ketýge májbúrlemedi. Barlyq negizgi sheshim meniń sózimnen keıin qabyldanatynyna úırenip qalǵan sekildimin. Eń bastysy, klýb pen aımaq basshylyǵy arasyndaǵy qarym-qatynasty jaqsarttym. Bul — men maqtana alatyn jalǵyz nárse, — deıdi Dıdar Sydyqbek.

Eske sala ketelik, budan buryn «Atyraý» fýtbol klýby bıýdjetten bólingen qarjyny tıimsiz jumsaǵanyn jazǵan edik. 

Keıin «Atyraý» fýtbol klýby memleket menshigine qaıtaryldy.