«Atyraý» fýtbol klýbynyń bas bapkeri qyzmetinen ketti

ASTANA. KAZINFORM — «Atyraý» fýtbol klýbynyń bas bapkeri Konstantın Gorovenko qyzmetinen bosatyldy.

«Atyraý» fýtbol klýbynyń baspasóz qyzmetinen málim etkenindeı, 48 jastaǵy K.Gorovenko óz erkimen qyzmetinen ketken.

Qazaqstandyq maman bıylǵy maýsym aldynda atyraýlyq komandanyń tizginin qaıta ustaǵan edi.

Chempıonat aıasynda atyraýlyqtar K.Gorovenkonyń basshylyǵymen alty match jáne kýboktyq oıyn ótkizip, bir ret qana jeńiske jetti.

Komanda bas bapkeriniń mindetin ýaqytsha Denıs Mamonov atqarady.

«Atyraý» komandasy Qazaqstan chempıonatynda nebári 3 upaımen týrnır kestesinde 13-orynda keledi.

Eske sala keteıik, budan buryn «Ordabasynyń» birinshiliktegi alǵashqy jeńisine qol jetkizgenin jazǵan bolatynbyz.

Aıta keteıik, Kazinform agenttigi jańa «Málimet» jobasyn iske qosty.