«Atyraý» fýtbol klýbyna 2 legıoner qosylyp, 1 otandyq fýtbolshy qaıta oraldy
ATYRAÝ. KAZINFORM – «Atyraý» fýtbol klýby legıonermen tolyǵyp jatyr. Búgin klýb sapyna 1 qazaqstandyq fýtbolshy qaıta oralyp, 2 legıoner qosyldy.
Fýtbol klýbynyń baspasóz qyzmetinen málim etkendeı, legıonerdiń biri Belarýstan, ekinshisi Reseıden kelgen.
– Belarýstik qorǵaýshy Rýslan Hadarkevıch resmı túrde «Atyraý» komandasynyń quramyn tolyqtyrdy. Ol óz Otanyndaǵy «Bereza», «Slavııa-Mozyr», «Isloch», «Shahter» (Solıgorsk), «Dınamo» (Mınsk), BATE jáne basqa da klýbtarda óner kórsetken. Belarýs Respýblıkasynyń 3 dúrkin chempıony, el Sýperkýboginiń ıegeri atanǵan. Eýrokýbokte oınap, Belarýs ulttyq quramasynyń namysyn qorǵaǵan, - dep málim etti klýbtyń baspasóz qyzmetinen.
Al, reseılik legıoner Lýka Zgýrskıı shabýylshy pozıtsııasyn ustanady. Ol – máskeýlik «TsSKA» fýtbol klýbynyń túlegi.
– Fýtboldaǵy mansabyn atalǵan komanda bastap, ózbekstandyq «Andıjan» klýbynda oınaǵan. Keıin Túrkistandaǵy «Turan» sapynda dop tepti. Ol Reseı U21 jastar quramasynda óner kórsetti, - dep habarlady baspasóz qyzmeti.
Sondaı-aq «Atyraý» fýtbol klýbynyń sapyna ortalyq qorǵaýshy Oljas Kerimjanov qaıta oraldy.
– Jambyl oblysynyń týmasy otandyq «Oqjetpes», «Lokomotıv» (Astana), «Qaırat», «Jetisý» jáne basqa klýbtar quramynda oınady. 2023/24 jyldary «Atyraý» quramynda bilikti oıynshysy boldy. Qazaqstan ulttyq quramasynyń sapynda 10-ǵa jýyq kezdesýge qatysty, - dep naqtylady klýbtyń baspasóz qyzmeti.
Eske sala ketelik, budan buryn Vıtalıı Jýkovskıı qaıtadan «Atyraý» komandasynyń bas jattyqtyrýshysy bolǵanyn habarlaǵan edik.
Keıin Vıtalıı Jýkovskıımen birge «Atyraý» fýtbol klýbyna kimder keri oralǵanyn https://kaz.inform.kz/news/vitaliy-zhukovskiymen-brge-atirau-futbol-klubina-kmder-ker-oraldi-cbfe09/ jazǵan bolatynbyz.
Bas jattyqtyrýshy «Atyraý» fýtbol klýbyna birneshe oıynshyny shaqyrdy.
Sondaı-aq «Atyraý» fýtbol klýbyna burynǵy 2 legıoner qaıta oraldy.