Atyraý fýtbol klýby tolyqtaı jekemenshik basqarýǵa ótti
ATYRAÝ. KAZINFORM – «Atyraý» fýtbol klýby tolyqtaı jekemenshik basqarýǵa ótti. Endi klýbtyń 100 paıyz úlesi «Caspian Football Group» JShS-ne tıesili.
Mundaı málimettti Atyraý oblystyq memlekettik satyp alý jáne kommýnaldyq menshik basqarmasy jarııalady. Bul ózgeris Memleket basshysynyń kásibı sportty damytý jáne fýtbol klýbtaryn jekemenshik sektorǵa berý jónindegi tapsyrmasy aıasynda júzege asty.
Fýtbol klýbynyń jańa ıesi – Bolat Qonarbaı. Jańa basshylyq óńirlik fýtboldy damytýǵa baǵyttalǵan birqatar bastamany jarııalady. Josparlarynda balalarǵa arnalǵan fýtbol akademııasyn salý, balalar men jasóspirimder fýtbolyn damytý, sporttyq ınfraqurylymdy jańǵyrtý jáne Atyraýdaǵy fýtboldyń básekege qabilettiligin arttyrý bar. Bul talap ákimdik tarapynan qoıylǵan edi.
Sondaı-aq klýbqa qosymsha ınvestıtsııa tartý arqyly materıaldyq-tehnıkalyq bazany kúsheıtý jáne kásibı fýtboldy jańa deńgeıge kóterý kózdelip otyr.
Eske salaıyq, sáýir aıynda óńir klýby 77 mln teńgege satylǵan edi.
