«Atyraý» fýtbol klýby memleket menshigine qaıtaryldy

ATYRAÝ. KAZINFORM – «Atyraý» fýtbol klýbn memleket menshigine qaıtarý týraly qabyldandy. Buǵan oblystyq prokýratýranyń usynysy sebep bolǵan.

Atyraý oblystyq dene shynyqtyrý, sport jáne týrızm basqarmasynyń baspasóz qyzmetinen málim etkendeı, klýbty basqarýdyń ashyqtyǵyn qamtamasyz etý jáne tıimdiligin arttyrý kózdelip otyr.

«Klýb 2018 jyldyń aqpan aıynan beri «Atyraý» kásibı sport klýby» qoǵamdyq qorynyń senimgerlik basqarýynda boldy. Alaıda, osy jyldar ishinde klýbtyń qyzmetinde júıeli problemalar baıqaldy. Onyń ishinde quryltaıshylar men basshylyqtyń jıi aýysýy, turaqty sporttyq kórsetkishterdiń bolmaýy, qarjy-sharýashylyq qyzmetindegi ashyqtyqtyń jetkiliksizdigi sekildi kemshilik bar. Legıonerler sany artyp, bıýdjettiń ashyqtyǵy men naqty esep berilmedi. Osyndaı sebepterge baılanysty klýbty memlekettiń basqarýyna qaıtarý týraly sheshim qabyldandy. Bul qarajattyń maqsatty jumsaýǵa baqylaýdy kúsheıtýge, óńirdiń fýtbol ınfraqurylymy men kadrlyq áleýetin damytýǵa múmkindik beredi, -dep habarlady basqarmanyń baspasóz qyzmeti.

Jaqyn arada klýb qyzmetin jaqsartý úshin strategııa ázirlenedi.

«Birinshiden, ashyqtyqqa nazar aýdarylady. Ekinshiden, turaqty basqarýǵa, úshinshiden, jastar men balalar fýtbolyn damytýǵa basa mán beriledi. Klýbty kezeń-kezeńimen reformalaý josparlanyp otyr, -dep málim etti basqarmanyń baspasóz qyzmetinen.

Eske sala ketelik, budan buryn «Atyraý» fýtbol klýby bıýdjetten bólingen qarjyny tıimsiz jumsaǵanyn habarlaǵan edik.