«Atyraý» FK serbııalyq shabýylshymen kelisimshart jasasty
ATYRAÝ. KAZINFORM — «Atyraý» fýtbol klýby quramyn serbııalyq shabýylshy Djordje Maksımovıchpen tolyqtyrdy.
Klýbtyń málimetinshe, 26 jastaǵy fýtbolshymen 2027 jyldyń sońyna deıin, ıaǵnı bir jarym jyl merzimge kelisimshartqa qol qoıylǵan.
Djordje Maksımovıch kásibı mansabynda Serbııa, Sıngapýr, Grekııa, Indonezııa jáne Chernogorııa chempıonattarynda óner kórsetken. Ártúrli týrnırde 144 matchqa qatysyp, 53 gol soqqan.
Serbııalyq shabýylshy — Serbııanyń «Radnıchkı 1923» klýbynyń túlegi. Ol atalǵan komandanyń negizgi quramynda 2017 jyly debıýt jasaǵan.
Eske salaıyq, «Atyraý» fýtbol klýby tolyqtaı jekemenshik basqarýǵa ótkeni belgili.
