Atyraý dárigerleri áıeldiń jatyrynan 6 keli mıomany alyp tastady

ATYRAÝ. KAZINFORM – Atyraý oblystyq perınataldyq ortalyǵynyń dárigerler naýqasqa ota jasap, salmaǵy 6 keli, kólemi 35 sm úlken mıomany alyp tastady.

Atyraý densaýlyq saqtaý basqarmasynyń baspasóz qyzmetinen málim etkendeı, naýqastyń jatyryndaǵy úlken mıomatozdy túıin ýltradybystyq zertteý arqyly anyqtalǵan.

«Naýqastyń syrqaty birneshe jylǵa sozylǵan. Ol aýyrsyn baıqalǵan soń dárigerlerge júgingen. Oblystyq perınataldyq ortalyǵynyń dárigerleri naýqasqa jedel kómek kórsetip, tıisti em-shara jasady. Keıin kúrdeli ota jasaýǵa sheshim qabyldandy. Ortalyqtyń gınekolog dárigeri jasaǵan ota sátti ótip, salmaǵy 6 keli, kóelmi 35 sm mıomany alyp tastady», - dep habarlady basqarmanyń baspasóz qyzmeti.

Otadan soń naýqas gınekologııa bólimshesindegi dárigerlerdiń baqylaýynda bolǵan. Bıyl jyl basynan beri ortalyqtyń gınekologııa bólimshesinde ártúrli mólsherdegi mıomany joıý boıynsha birneshe ota jasalǵan.

«Qazir naýqas jansaqtaý bóliminen palataǵa aýystyryldy. Onyń jaǵdaıy birqalypty. Dárigerler oǵan qajetti em-dom sharasyn júrgizip, baqylaýǵa aldy», - dep máim etti basqarmanyń baspasóz qyzmetinen. 

Eske sala ketelik, budan buryn Atyraý dárigerleri júregi toqtap qalǵan 12 jasar qyzdyń ómirin saqtap qalǵan edi. 

Sondaı-aq bıyl Atyraýda ekinshi úshem dúnıege kelgenin habarlaǵan bolatynbyz.