«Atyraý barystary» komandasynyń kanadalyq oıynshysy volonterler qataryna qosyldy

ATYRAÝ. KAZINFORM – «Atyraý barystary» komandasynyń kanadalyq oıynshysy volonterler qataryna qosylyp, Jaıyq ózeniniń jaǵasyna bóget salýǵa kómektesti.

«Atyraý barystary» komandasynda oınaıtyn Kanadanyń azamaty Maıkl Okafordyń aıtýynsha, mundaı qıyndyqty birlikpen ǵana jeńýge bolady. 

«Men «Atyraý barystary» basketbol klýbynyń oıynshysymyn. Kanadadan keldim. Qazir ózim turatyn Atyraý qalasyna tasqyn sýdyń qaýpi tóndi. Buǵan atyraýlyqtarmen birge men de alańdap otyrmyn. Óıtkeni sheteldik bolsam da osy eldiń tynyshtyǵyn, ár qazaqstandyq pen qonaqtardyń kóńili kóterińki júrgenin qalaımyn. Sol sebepten, Jaıyq ózeniniń jaǵalaýyndaǵy bógetti bıiktetip jatqan volonterlerge kómektesýdi uıǵardym. Biz Atyraý qalasyn tasqyn sýdan birliktiń nátıjesinde qorǵap qalamyz», - deıdi Maıkl Okafor. 

Sheteldik oıynshy bir kún boıy qapqa qum toltyryp, jaǵalaýdaǵy bógetti bekitýge úles qosty. 

Eske sala ketelik, budan buryn Atyraý oblysynda tótenshe jaǵdaı jarııalandy. 

Atyraý oblysynyń ákimi Serik Shápkenov turǵyndar ómirine qaýip tónse, aldyn ala habarlanatynyn aıtty. 

Keıin Jaıyq ózeniniń sýy Atyraý qalasyna qaı tustan kirýi múmkin ekenin habarlaǵan bolatynbyz.

Sondaı-aq, Atyraý turǵyndary tasqyn sýǵa qarsy bóget turǵyzýǵa judyryqtaı jumyldy.