Atyraý áýejaıynda nıqab kıgen alty áıel jaýapqa tartyldy
ATYRAÝ. KAZINFORM – Atyraý áýejaıynda kólik polıtseıleri qoǵamdyq orynda betin tolyq jaýyp, jeke basyn tanýǵa kedergi keltiretin kıim kıgen alty áıeldi anyqtady.
Kóliktegi polıtsııa departamentiniń málimetinshe, áıelderdiń barlyǵy Atyraý qalasynyń turǵyndary. Olar 26 shildede «Atyraý – Stambul» baǵytyndaǵy áýe reısimen shetelge ushyp ketken.
Tekserý barysynda áıelderdiń qoǵamdyq oryndarda adamnyń bet-júzin tanýǵa kedergi keltiretin kıim kııýge qatysty zań talaptaryn buzǵany anyqtalǵan.
Olar tamyz aıynyń basynda elge oralǵannan keıin quqyq buzýshylyq jasaǵany úshin Qazaqstan Respýblıkasynyń zańnamasyna sáıkes ákimshilik jaýapkershilikke tartyldy.
Eskertý berilgen. Sonymen qatar profılaktıkalyq jáne túsindirý jumysy júrgizildi.
Buǵan deıin Qyzylordada betin tumshalaǵan 300-deı adamǵa eskertý berilgenin jazǵan edik.
