Atyraý áýejaıyna shuǵyl qonǵan ushaq jolaýshysy kóz jumdy
ATYRAÝ. KAZINFORM – Ushý kezinde jaǵdaıy nasharlaǵan jolaýshy Atyraý halyqaralyq áýejaıyna qonǵannan keıin kóz jumdy.
Aldyn ala málimet boıynsha, jaǵdaı Túrkııadan Reseıge baǵyt alǵan sheteldik áýe kompanııasynyń ushaǵynda bolǵan.
Ushý kezinde jolaýshylardyń biriniń jaǵdaıy kúrt nasharlap, ekıpaj Atyraý áýejaıyna shuǵyl qoný týraly sheshim qabyldaǵan. Ushaq qonǵannan keıin shetel azamaty qaıtys bolǵan.
- Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan bastapqy tekserý sharalary júrgizilip jatyr. Aldyn ala ólim sebebi – jedel júrek jetkiliksizdigi, – dep habarlady kóliktegi polıtsııa departamenti.
Buǵan deıin Frankfýrtten Delıge baǵyt alǵan Lufthansa áýe kompanııasynyń ushaǵy tehnıkalyq aqaýǵa baılanysty Bakýge shuǵyl qonǵanyn jazǵan edik.
