«Atyraý-Astrahan» tasjoly qashan aıaqtalady – ákim jaýap berdi

Jyl sońyna deıin «Atyraý-Astrahan» tasjolynyń 25 shaqyrym joly paıdalanýǵa beriledi dep josparlandy. Bul týraly Atyraý oblysynyń ákimi Serik Shápkenov , dep habarlaıdy Kazinform.

«Bizdiń aldymyzda birazdan beri aıtylyp respýblıkalyq mańyzy bar «Atyraý-Astrahan» kúre jolynyń qurylysyn aıaqtaý mindeti tur. Joldyń jalpy uzyndyǵy – 277 shaqyrym. Búgingi kúni «Atyraý-Astrahan» tasjolynyń 252 shaqyrymy paıdalanýǵa berildi», - dedi Serik Shápkenov Ortalyq kommýnıkatsııalar qyzmet alańynda ótken baspasóz máslıhatynda.

Onyń aıtýynsha, jyl sońyna deıin qalǵan 25 shaqyrym jol paıdalanýǵa beriledi.

«Bıyl oblysta 240,8 shaqyrym jol tóseldi, onyń 88,5 shaqyrymy oblys ortalyǵynda, 152,3 shaqyrymy aýdandarda. Óńirimizde 2024-2027 jyldary 211,2 shaqyrym qoldanystaǵy joldardy jańǵyrtýdy josparlaýdamyz. Atap aıtqanda, 77,5 shaqyrym jol qaıta jańǵyrtýdan, 46,7 shaqyrym jol ortasha jóndeýden jáne 87 shaqyrym jol kúrdeli jóndeýden ótkiziledi», - deıdi ol.