«Atyraý-Almaty» baǵytyndaǵy jolaýshylar poıyzy shuǵyl toqtaýǵa májbúr boldy

ATYRAÝ. KAZINFORM — Atyraýdan Almaty qalasyna bara jatqan jolaýshylar poıyzynyń vagonynan aqaý anyqtaldy. Soǵan baılanysty poıyz shuǵyl toqtatyldy.

«Qazaqstan temirjoly» UK» AQ-nyń málimetinshe, oqıǵa 20 qarasha kúni kúndizgi saǵat 14:34–te «Aral Teńiz–Qazaly» ýchaskesinde bolǵan. 

Munaıly óńirden jolǵa shyqqan № 42 «Atyraý-Almaty» jolaýshylar poıyzy tehnıkalyq vagondaǵy aqaýǵa baılanysty shuǵyl toqtaǵan. Mamandar vagonnyń jaǵdaıyn tekserý jumystaryn júrgizgen.

— Poıyzdarǵa qyzmet kórsetý «Patentes Talgo» kompanııasyna júktelgen. Jolaýshylar tamaq jáne aýyz sýmen tolyq qamtamasyz etilgen. Jolaýshylar poıyzynyń kelesi stansaǵa deıingi qozǵalysy uıymdastyrylyp, Qazaly stansasyna saǵat 18:12–de kelgen. Jolaýshylardy tasymaldaý úshin standartty vagondary «Qazaly-Almaty-2» bir rettik poıyz shyǵarylǵan. Poıyzdy keshki saǵat 21:00–de júretini josparlanǵan. Bul poıyz Almatyǵa 21 qarashada jetedi, — delingen habarlamada.

Eske sala ketelik, budan buryn Atyraý men Aqtóbeniń aralyǵyna kún saıyn ushaq qatynaıtynyn jazǵan edik.