Atyraý ákimi Shákir Keıkın óz erkimen qyzmetinen ketti
ATYRAÝ. KAZINFORM — Atyraý qalasynyń ákimi Shákir Keıkın qyzmetinen ketti. Muny Atyraý oblysy ákimdiginiń baspasóz qyzmeti rastady.
Resmı málimetke súıensek, Shákir Keıkın laýazymyn óz erkimen bosatqan.Onyń ótinishin aımaq basshysy qanaǵattandyrdy.
Sheneýnik shahar basshysy qyzmetine 2023 jyldyń 10 shildesinde kirisken edi.
Shákir Keıkın túrli memlekettik mekemede basshylyq laýazymda jumys istedi.
2023 jyldyń naýryzynan bastap qala ákimi qyzmetine kirispeske deıin
Saýda jáne ıntegratsııa mınıstrliginde Saýda departamentiniń basshysy qyzmetin atqaryp kelgen.
Eske salaıyq, UQK Atyraý qalasy ákiminiń eki birdeı orynbasary Meıirjan Muqasov pen Tilek Mahýovqa qatysty tergeý júrip jatqanyn rastaǵanyn jazǵan edik.
