Atylyp jatqan kıiktiń eti qaýipsiz be - Ekomın jaýap berdi
Ekologııa jáne tabıǵı resýrstar mınıstrligi atylyp jatqan kıik ushalary et kombınattaryna qalaı beriletinin túsindirdi, dep habarlaıdy Kazinform agenttigi.
«Kıik popýlıatsııasyn retteý úshin «Ohotzooprom» óndiristik birlestigi jeke tulǵalardy tartty. Kıik atýmen aınalysatyn ár jasaqqa osy mekemeniń jaýapty ınspektory men Orman sharýashylyǵy jáne janýarlar álemi komıtetiniń qyzmetkerleri bekitilgen. Popýlıatsııany retteý úshin atylǵan kıik ushalary mindetti túrde et kombınatyna beriledi. Ol etti óńdep, satý máselesin et kombınattarynyń veterınarlary baqylaıdy. Veterınarııa zańnamasynyń talaby sondaı», - delingen mınıstrliktiń redaktsııa saýalyna joldaǵan jaýabynda.
Vedomstvodaǵylar et kombınatynyń nemese soıý beketiniń veterınarlary kıik ushasynyń syrtqy sıpatyn tekseretinin aıtady.
Al ushanyń ishki organdaryn veterınarlyq-sanıtarııalyq saraptama tekseredi.
Osy tekserý qorytyndysy boıynsha jaramsyz dep tanylǵan kıik eti saladaǵy talaptar boıynsha joıylady.
