Aty-jónin ózgertken azamat qandaı qujattardy qaıta rásimdeýi qajet
ASTANA. KAZINFORM – Aty-jónin ózgertken azamat qandaı qujattardy mindetti túrde aýystyrýy kerek, jyljymaıtyn múlik týraly derekter qalaı jańartylady jáne buryn jasalǵan kelisimsharttardy qaıta rásimdeý qajet pe? Osy saýaldarǵa QR Ádilet mınıstrligi Tirkeý qyzmeti jáne zańgerlik qyzmetter kórsetýdi uıymdastyrý komıteti tóraǵasynyń orynbasary Dıas Sháripbaı jaýap berdi.
Onyń málimetinshe, Qazaqstanda azamat aty-jónin ózgertken jaǵdaıda onyń jyljymaıtyn múlik ıesi retindegi memlekettik júıedegi derekteri ótinish bermeı-aq jańartylady.
– Azamattyń aty-jóni ózgerse, onyń atyndaǵy páter, úı nemese basqa da jyljymaıtyn múlik boıynsha menshik ıesi týraly memlekettik júıedegi málimetter tsıfrlyq júıelerdiń ózara yqpaldastyǵy arqyly jańartylady. Bul úshin azamatqa tirkeýshi organǵa arnaıy ótinish berýdiń qajeti joq. Derekterdi ózgertý tegin júrgiziledi jáne bul týraly menshik ıesine habarlanady, - dedi komıtet tóraǵasynyń orynbasary.
Al azamattyń qolyndaǵy jyljymaıtyn múlikke quqyq belgileıtin qujatta burynǵy aty-jóni kórsetilip tursa, qajet bolǵan jaǵdaıda ondaǵy derekterdi de ózgertýge bolady. Ol úshin «Azamattarǵa arnalǵan úkimet» memlekettik korporatsııasynyń fılıalyna nemese «tsıfrlyq úkimet» veb-portaly arqyly júginý qajet.
Sonymen qosa vedomstvo ókili elimizde atyn, tegin nemese ákesiniń atyn ózgertken azamat jeke basyn kýálandyratyn qujattaryn mindetti túrde aýystyrýy kerek ekenin de atap ótti.
– Al basqa qujattardyń bárin birdeı mindetti túrde aýystyrý talap etilmeıdi. Olardy aýystyrý nemese ondaǵy derekterdi jańartý qajettiligi qujattyń túrine baılanysty anyqtalady. Mysaly, ózge qujattardy aýystyrý nemese ondaǵy málimetterdi jańartý qajettiligi men tártibin sol qujatty bergen organ nemese uıym aıqyndaıdy, - dedi ol.
Osylaısha, azamat belgili bir qujattaǵy burynǵy aty-jónin ózgertý qajet pe jáne ony qalaı jańartý keregin sol qujatty bergen organnan nemese uıymnan naqtylaı alady.
Budan bólek komıtet tóraǵasynyń orynbasary azamat tegin, atyn nemese ákesiniń atyn ózgertken jaǵdaıda buryn jasalǵan kelisimsharttar men basqa da quqyqtyq qujattar kúshin joımaıtynyn eske salyp ótti.
– Azamat aty-jónin ózgertkennen keıin de buryn jasalǵan kelisimsharttar, notarıat kýálandyrǵan qujattar men senimhattar kúshinde qalady. Zańnamada ózgeshe kózdelmese, mundaı qujattar zańdy kúshin saqtaıdy. Qajet bolǵan jaǵdaıda burynǵy aty-jóni kórsetilgen qujattyń sol azamatqa tıesili ekenin jańa jeke kýáligi jáne aty-jóniniń ózgergenin rastaıtyn qujat arqyly dáleldeýge bolady, - dedi spıker.
Aıta keteıik, buǵan deıin qazaqstandyqtar aty-jónin qansha ret ózgerte alatyny jóninde materıal jazdyq.
