Aty ańyzǵa aınalǵan tennısshi Rafael Nadal sporttaǵy mansabyn aıaqtaıtynyn aıtty
ASTANA. KAZINFORM - Álemniń burynǵy birinshi raketkasy Rafael Nadal Devıs kýbogynyń fınalynan keıin mansabyn aıaqtaıtynyn aıtty, dep jazady ATP Tour.
38 jastaǵy tennısshi qarashanyń 19-y men 24-i aralyǵynda Malagada ótetin Devıs kýbogynyń fınalyna sońǵy ret shyǵady.
— Barshańyzǵa sálem, men kásibı tennısten ketetinimdi aıtpaqshymyn. Negizi, sońǵy jyldar men úshin qıyn boldy, ásirese sońǵy eki jyl. Men shekteýsiz oınaı beremin dep oılamaımyn. Árıne, bul sheshim qabyldaýyma biraz ýaqyt qajet bolǵan qıyn sheshim, biraq bul ómirde báriniń basy men sońy bar jáne meniń oıymsha dál qazir ózim úshin sátti bolǵan mansabymdy aıaqtaıtyn ýaqyt keldi, - dedi Nadal ıspan tilinde X áleýmettik jelisinde jarııalanǵan vıdeoda.
Mansap jolynda ıspandyq «Úlken dýlyǵa» týrnırinde 22 ret jeńiske jetti, onyń ishinde Rolan Garrostaǵy (Frantsııa ashyq chempıonatynda) rekordtyq 14 jeńisi bar.
