Aty ańyzǵa aınalǵan Maık Taıson sharshy alańǵa qaıta oralady

ASTANA. KAZINFORM –  57 jasar áıgili bylǵary qolǵap sheberi Maık Taıson rıngke oralady. Bul týraly Sports.kz jazdy. 

Ol 20 shildede AQSh-tyń Tehas shtatyndaǵy Arlıngtonda kezekti jekpe-jegin ótkizedi. Onyń qarsylasy kásibı rıngte 10 kezdesý ótkizip, onyń toǵyzyn jeńgen amerıkalyq bloger Djeık Pol. Jepe-jektiń qandaı formatta ótetini áli belgisiz. Jekpe-jek  Netflix platformasynda kórsetiledi. 

Maık Taıson kásibı mansabyn 2005 jyly 50-6 rekordyq kórsetkishpen aıaqtaǵany belgili. Ol WBA, IBF jáne WBC nusqasy boıynsha aýyr salmaq kategorııasyndaǵy álem chempıony boldy.