Atbasarlyqtar men sandyqtaýlyqtar jalǵyz emes, búkil el olarmen birge - Ǵalymbek Báımishev

Osyǵan baılanysty atalǵan óńirlerde tótenshe jaǵdaı jarııalandy. Qazirgi ýaqytta Tselınograd aýdanynda qaýipti jaǵdaı saqtalýda.

"Árıne, qandaı tótenshe jaǵdaı bolaryn, apattyń qandaı shyǵyndarǵa ákep soǵaryn aldyn ala boljaı almaımyz. Oblystyń ár aýdany men qalasynda, oblystyq bıýdjette kezek kúttirmeıtin shyǵyndarǵa jáne TJ oqıǵalaryna arnalǵan aqshalaı qarajat qory bar. Jáne bul zardap shekken adamdarǵa asa qajet kómekti tez arada uıymdastyrýǵa múmkindik beredi. Dál osyndaı sátte jańalyqtardan «Aqmola oblysynda sý tasqyny saldaryn joıýǵa arnalǵan qarjy taýsyldy» degen aqparatty estý kóńilge qaıaý túsiredi. Bilesizder me, mundaı sátterde álgi «jańalyq» avtorlaryna oblys bıýdjetiniń aqshasy taýsylsa da, aqmolalyqtar men qazaqstandyqtardyń zardap shekkenderge beretin járdemi eshqashan úzilmeıdi! dep aıtqym keledi, - dedi oblystyq máslıhattyń depýtaty, Sandyqtaý orman sharýashylyǵynyń dırektory Ǵalymbek Báımishev.

Oblystyq máslıhat depýtatynyń aıtýynsha, tabıǵı apat kelgen alǵashqy kúnnen búginge deıin jergilikti atqarý organdary óz kúshterimen qyzyl sýǵa tótep berýde.

Áńgime sońynda apat ákelgen shyǵyndardy esepteý boıynsha komıssııa jumysynyń júrip jatqanyn, oblystyń barlyq aýdanynda jedel shtabtyń táýlik boıy jumys istep jatqanyn habarlaǵym keledi», - dedi Ǵalymbek Báımishev.

"Zardap shekkenderge jan-jaqtan kómek túsip jatyr - «Nur Otan» partııasynan, eldegi ózge de saıası kúshterden, memlekettik uıymdardan, kásipkerlerden, aýyl sharýashylyǵy taýarlaryn óndirýshilerden, Іsker áıelder qaýymdastyǵynan, túrli qorlar men elimizdiń qarapaıym turǵyndary atynan azyq-túlik, jyly kıim, aýyz sý, dári-dármek, tipti jıhazdar da kelip jetti". 

«Atbasarlyqtar men sandyqtaýlyqtar jalǵyz emes, búkil el olarmen birge. Qıraǵan úılerdi qalpyna keltiremiz jáne bizde bári jaqsy bolady», - dep málim etti oblystyq máslıhat depýtaty.