Atbasarlyqtar kóktemgi sý tasqynyna osy bastan qamdanýda
KÓKShETAÝ. QazAqparat - Atbasarlyqtar kóktemgi sý tasqynyn aldyn alý sharalaryn qazirden bastap júrgizýde. Bul týraly búgin Aqmola oblysynyń əkimi Sergeı Kýlagınniń aýdanǵa jumys sapary barysynda sóz boldy, dep habarlaıdy «QazAqparat» HAA tilshisi.
Atbasar aýdany oblystaǵy kóktemgi sý tasqynynyń qaýpi joǵary óńirlerdiń biri sanalady. Búgingi tańda negizgi kúsh osynda jumyldyrylyp otyr. Jabaı ózeni jaǵasyn boılaı uzyndyǵy 9,5 shaqyrym bóget (damba) turǵyzylǵan. Osy maqsatta oblystyq bıýdjetten 63,183 mıllıon teńge qarjy bólingen.
- Bıyl óńirde qar kóp tústi. Sol sebepti sý tasqynynyń qaýpi de joǵary. Aldyńǵy jydardaǵy jaǵdaı qaıtalanbas úshin daıyndyq jumystaryn erte bastaǵan mańyzdy, - dedi Sergeı Kýlagın óz sózinde.
Sapar kúni oblys ákimi atalǵan bógettiń beriktigin baqylap, sý basý qaýpi bar turǵyn úıler men áleýmettik nysandar men kóshelerdiń, aryqtar men sý jiberý nysandarynyń der kezinde qardan tazalanýyn da esten shyǵarmaýdy eskertti. 
