Atbasarlyqtar kóktemgi sý tasqynyna daıyndalyp jatyr
KÓKShETAÝ. QazAqparat- Aqmola oblysynyń Óńirlik kommýnıkatsııalar qyzmetinde ótken brıfıngte Atbasar aýdanynyń ákimi Amanbek Qaljanov óńirdiń áleýmettik-ekonomıkalyq damýynyń 2018 jylǵy qorytyndylary týraly aıtyp berdi, dep habarlaıdy QazAqparat tilshisi.
Ákimniń aıtýynsha, 2018 jyl atbasarlyqtar úshin tabysty boldy.
«Ótke jyly Atbasar aýdany joǵary makroekonomıkalyq kórsetkishterge qol jetkizdi», dedi aýdan ákimi Amanbek Qaljanov. - Aýyl sharýshalyǵynda salasynda óndirilgen jalpy ónim kólemi - 100,1 paıyzdy, ónerkásip salasynda - 106,7 paıyzdy qurasa, qurylys salasynda - 3,5 esege artty. 2018 jyldyń ortasha eńbekaqy kólemi 109,5 myń teńgeni qurap, aldyńǵy jylmen salystyrǵanda 6,1 paıyzǵa artty.
Sonymen qatar, aýdanda turǵyn úı - kommýnaldyq sharýashylyǵy salasynda da istelinip jatqan ıgi ister de aıtyldy.
«Aýdanda jylý berý maýsymyn oıdaǵydaı ótkizý, turǵyndary sapaly aýyz sýmen qamtý jáne kóktemi sý tasqynyn aldyn alý sharalary ákimdiktiń udaıy nazarynda. Ótken jyly 6 bý qazandyǵy, nasos stansasy jáne 16 shaqyrym jylý jelisi jóndeldi. Halyqty aýyz sýmen qatý maqsatynda Pokrovka jáne Sepe aýyldarynda sý qubyry júıesiniń qurylysy bastalyp, bıyl aıaqtaý josparda bar. Budan bólek, Shýıskoe aýylynda sý qubyry jelisi men nysanyn qalpyna keltirý úshin bıýdjetten qarajat bólý qarastyrylyp otyr. Sý tasqynyn aldy maqsatynda topyraqtan turǵyzylǵan qorǵanys bógetiniń buzylǵan 6 ýchaskesi qalpyna keltirilip, osal 7 ýchaskesi nyǵaıtyldy. «Atbasar-Qıma» tas jolynyń boıynda sekýndtyna 40 tekshe metr sý aǵyzatyn qubyr nysany ornatyldy. Jabaı ózeniniń uzyndyǵy 700 metr arnasy tazartyldy. Jalpy, aýdan kóktemgi sý tasqynyna daıyndyqty qazirden bastap ketti», - dep tolyqtyrdy Amanbek Qaljanov.
Brıfıngte aıtylǵandaı óńirde Elbasy Joldaýynda aıtylǵan áleýmettik salanyń damýyna da jete kóńil bólinedi. Ásirese, densaýlyq saqtaý, bilim, mádenıet jáne jumyspen qamtý baǵytynda biraz is tyndyrylǵan.
Onyń ishinde 2018 jyly Atbasardaǵy І.Esenberlınniń ádebı murajaıy aýdandyq deńgeıdegi murajaılardyń arasynda ótken «Rýhanı qazyna» mádenıet jáne óner qyzmetkerleriniń respýblıkalyq forýmynda eń úzdik atandy.
