Atbasarlyqtar Іlııas Esenberlınniń úıin abattandyrýda
KÓKShETAÝ. QazAqparat-Atbasar qalasyndaǵy mektepter men balabaqshalardyń qyzmetkerleri Іlııas Esenberlın turǵan úıdiń syrtyn abattandyrýda, dep habarlaıdy QazAqparat tilshisi.
Aqmola oblystyq bilim basqarmasy baspasóz qyzmetiniń deregi boıynsha, qazaq ádebıetiniń kórnekti jazýshysy Іlııas Esenberlınniń Atbasar qalasynda týyp, ósken úıi bar. Aýdandyq bilim bóliminiń bastamasymen qaladaǵy mektepter men balabaqshalardyń qyzmetkerleri osy úıdiń syrtyn abattandyrýda.
«Elimiz boıynsha «Týǵan jer» baǵdarlamasy júzege asyrylýda. Biz de qazaq halqy úshin birtýar uly, kórnekti jazýshy Іlııas Esenberlınniń turǵan úıinniń syrtyn kúl-qoqystan tazartyp, jónge keltirýdi jón sanadyq. Bul biz úshin úlken abyroı»,- dedi qalalyq bilim bóliminiń ádiskeri Ásel Qozybekova.
Eske sala keteıik, Іlııas Esenberlın 1915 jyly Aqmola oblysyndaǵy Atbasar qalasynda týǵan. 1940 jyly Qazaq taý-ken ınstıtýtyn bitirgen. Ekinshidúnıejúzilik soǵysqa qatysqan. Soǵystan keıingi jyldarda fılarmonııany, «Jazýshy» baspasynyń basshysy tárizdi kóptegen joǵary laýazymdy qyzmetterdi atqarady. Jazýshy Almatyda dúnıe saldy.
Qazaq ádebıetinde І.Esenberlın jazǵan «Aıqas» (1967), «Ǵashyqtar» (1968), «Altyn qus» (1971), «Kóleńkeńmen qorǵaı júr» (1974), «Mańǵystaý maıdany» (1978), «Amanat» (1978) tárizdi ózge de tanymal romandarymen oqyrman nazaryn ózine aýdardy. Ásirese, «Qahar», «Almas qylysh», «Jantalas» atty tarıhı romandary jazýshynyń mártebesin asqaqtaty.
Jazýshynyń týyp, ósken úıi Atbasar qalasyndaǵy Esenberlın kóshesiniń (burynǵy Sovetskaıa) boıynda № 48 mekenjaıy boıynsha ornalasqan. Úıdi 1895 jyly onyń ákesi Esenberdi men baýyry Shoqan salǵan eken. Úıdiń qabyrǵasyna jazýshynyń qurmetine memorıaldyq taqta ornatylǵan. Aýdan ortalyǵynda jazýshynyń esimimen kitaphana da jumys isteıdi.
