Atbasarlyq dərigerler tiliksiz ota jasaý múmkindigine ıe boldy
KÓKShETAÝ. QazAqparat - Aqmola oblysynyń Atbasar aýdandyq aýrýhanasy 436 mıllıon teńgeniń medıtsınalyq qondyrǵysymen jabdyqtaldy, dep habarlaıdy QazAqparat tilshisi.
Oblystyq densaýlyq saqtaý basqarmasy baspasóz qyzmetiniń málimeti boıynsha, medıtsınalyq qondyrǵyny satyp alýǵa 2016-2019 jyldarǵa arnalǵan «Densaýlyq» memlekettik baǵdarlamasy sheńberinde oblystyq bıýdjetten 436 mıllıon teńge bólingen.
Atbasar aýdandyq aýrhanasynyń bas dárigeri Azamat Ábdirahmanovtyń sózinshe, jańadan satyp alynǵan endovıdeohırýrgııalyq keshenniń kómegimen laparoskopııalyq ota jasaýǵa bolady.
«Osyǵan deıin biz naýqastardy mamandandyrylǵan Astana jəne Kókshetaý qalalaryndaǵy aýrýhanalarǵa jiberetin edik. Endi joǵary tehnologııalyq protsessterdi, hırýrgııalyq, gınekologııalyq otalardy ózimizde jasaıtyn bolamyz. Sonymen qatar, Esil, Jaqsy jəne Jarqaıyń aýdandarynyń naýqas turǵyndary da bizde laparoskopııalyq ota jasata alady», dep túsindirdi Azamat Ábdirahmanov.
Laparoskopııalyq ota bul aýrýdy asqyndyrmaı, naýqastyń tez saýyǵyp ketýi úshin taptyrmas ədis bolyp tabylady. Atalmysh ədis boıynsha ota 0,5-1 santımetr tilik arqyly engizilgen laparoskop - optıkalyq quralynyń kómegimen jasalady. Bul jaranyń otadan keıin tez bitip, naýqastyń qysqa merzimde, ıaǵnı, 3-4 kúnniń ishinde saýyǵyp ketýine múmkindik beredi. Sondaı-aq, naýqasqa otadan keıin aýyrýdy basatyn dárini berýdi qajet etpeıdi.
Sonymen qatar, atalmysh aýrýhanaǵa S-dýga tıpti rengent apparaty, ókpeni jasandy demaldyratyn eki apparat, narkoz-demalý apparaty, ÝZI apparaty, jyljymaly rengent qondyrǵysy satyp alyndy. Keler jyly kompıýterlik tomograf alý kózdelgen.
